ENGERO ENSONGE N'EBISOKO MU LUGANDA

ENGERO ENSONGE mu LUGANDA Enfa Ya Matyansi Butyampa (Original Version) Ekitontome ZINUNULA OMUNAKU *By E.N.K .Kawere* KAJUBI JAMES INVITES YOU HERE   NKETTA MU BIZINGA by ENK KAWERE TV A-Z Schematics GUEST BOOK /Ekitabo ky'abagenyi Photo 3




  1. Abagagga baagalana enviiri zirekerera ebisige ne zigenda ku birevu
  2. Abaganda bali mu kulya nga eno Katonga ajjula
  3. Abaganda mwetooloola miyagi nti tuloga kafumbe
  4. Abaganda nkoba za mbogo,zeggya zokka mu bunnya
  5. Abaganda nswa zeebikka kungulu
  6. Abakade kabatabaale nga talina wuwe
  7. Abaakisimba beebaakiwomesa
  8. Abakopi muwemba bw'ogusaayira kudda mulala
  9. Abanaku bamanyagana empologoma bw'erwala ensiri y'erumika
  10. Afudde kituyu ng'amenvu
  11. Afuuye eŋŋombe nga talagaanye na bayizzi
  12. Agalabagana gatyaŋŋana nga Mbajja ne Mugema
  13. Agali awamu g'egaluma enyama owamalibu akiina wa ngereka
  14. Agali awamu ge galuma ennyama ow'amalibu akiina wa ngereka
  15. Agamyuka omutezi, n'akasolo
  16. Aganaanyuma tegalinda ŋŋoma
  17. Agatawulira mukama waago gabikka ntembo
  18. Ageerwanyalwanya gaba gaagala nnyini nnyama(agabwa)
  19. Agummye n'aguwanga': agenda lw'eggulo"
  20. Ak'ezimbira tekaba kato
  21. Akaabidde mu babe ng'alabye bamuwa
  22. Akabwa keweeyolera k'ekakuluma enteega
  23. Akaliba akendo okalabira ku mukonda
  24. Akanaafa tekawulira ŋŋombe
  25. Akasolo tekannafa, nti opmukira gwa jjembe lyange?
  26. Akasukka omumiro tekadda
  27. Akatabagano katta omutezi n'omwoki
  28. Akatali kabbe, eggumba osuula mu mulyango
  29. Akeezimbira tekaba kato
  30. Akuba ebiwojjolo teyeeganya mpumbu.
  31. Akuba owuwe akuba awumba engalo
  32. Akuliira omuwemba akunywesa nkenku
  33. Akuliira omuwemba akunywesagwa nkenku
  34. Akutwala ekiro omusiima bukedde
  35. Akuwaliriza okulinnya, bw'ogwa akuyita kadduwannema
  36. Akwagala n'atakwagala ,tebuziba nga tewannabula akwogerako
  37. Aliggala n'aliggula bonna obusungu benkanya (ekkubo).
  38. Amagezi amaggye ku bugenyi gaakubya Wakayima omutwe
  39. Amagezi gakuweebwa munno empogola weeyatikira woosusira
  40. Amala gateeba bw'ayigga avaayo bukumbu
  41. Amalala gakulemberwa kigwo
  42. Akajja obunaku keemanya, ejjanzi teribuuka na nzige
  43. Amamese amangi tegeesimira bunya
  44. Amaziga g'ente ssanyu ly'amalembo
  45. An'aggula omunaku amatu ,wano waliwo kitaawo ne nnyoko
  46. An'akuvuma obubi akuvimira ku ndwadde
  47. Anaagwagwawala asooka kutunda bibye
  48. Anaakuboolera mu lumbe nti ggwe wa maanyi
  49. Anaakugoba ku nswa akugamba nti tolya omulalu
  50. Anaggula omunaku amatu nti wano waliwo kitaawo ne nnyoko?
  51. Anawangaaza obuliirize omunwe alya gumu
  52. Asamirira amaddu, ayigga mbogo
  53. Aseka ekimwegeru: engalabi ky'eseka n'emiti mu kamwa"
  54. Asookawo ye mukulu akakoowekoowe kakulira ekirevu
  55. Ataakole n'okulya t'aliire Ataliiwo tagwirwa muti
  56. Atakulekera n'awe tomulekera, ennyanja ekutta omira
  57. Atalukutambulire entanda akusibira y'amenvu
  58. Atalutambudde nti baziriko bazirya
  59. Atamanyi kusaaga emmese bw'emusaba ekigwo aleeta muggo.
  60. Atamanyi mpewo y'emagombe y'amma omufu olubugo
  61. Atambula n'emmandwa y'amanya ky'erya
  62. Atamusuza y'amutenda eggonjebwa.
  63. Atamuzadde amutikka jjinja
  64. Atannayitayita y'atenda nyina okufumba
  65. Atasaasira mwavu ageya mugeye
  66. Atasaba taweebwa enkoko oluba okunywa amazzi ng'eralamira waggulu"
  67. Atolotoma nga ssegwanga anywede amanabemu
  68. Atta ekizigo asooba
  69. Atudde entitibbwa kabootongo z'atuula mu mumwa.
  70. Atunula kalyolyongo ng'enkoko ebiika awali embwa
  71. Awaakula ennume, tewaakula emu
  72. Awali omwenge tewabula luyoogaano
  73. Ayagala omwavu y'amunyiriza ,kyamisana ku lukokola
  74. Ayeeyereza omunafu y'amulwanya
  75. Ayogera kaati ng'omuyizzi amaze okutega
  76. Baboola mwavu
  77. Bakakubye mu nkaatuufu kwongera kumwa
  78. Bakusaggira okolola akobugoba k'oyagala
  79. Bakusaggira okolola, ey'obugoba gyoyala?
  80. Bakusinga enumika nti laba ebijja bituutira
  81. Basajja mivule, giwaatula negiggumiza
  82. Basammula ekkere ng'amazzi banywa.
  83. Batemye etto baliranga munwe
  84. Batwaya omugogo alaga gumu
  85. Bbugu bbugu ssi muliro essanja teriyiisa mmere nga si muganzi
  86. Beera mugumu ng'asula wansi
  87. Bikongoolo tebitta nnume
  88. Bukadde magezi takubuulira ky'amukaddiya
  89. Buswagu oswaguza ne gw'olya naye
  90. Bw'eyinda ssibw'etonya
  91. Bw'ogenda ebulya mbwa olya mbwa
  92. Bw'ondaba omala ,yettira obuko
  93. Bw'onyigiriza enyo enyindo ogireeta omusaayi
  94. Bw'osika ekitajja, ddiba lya nkoko mu ngalo
  95. Bw'ottottola eby'ekyalo ,bw'olwala tofuna akulumika.
  96. Bwebaba babuulirira omwana wa boobwo, nga gwe ow'omunaku okutu okunkumula
  97. Bwendi bwendi y'atunda abaana.
  98. Bwogoba musajja munno olekamu ezinadda
  99. Ebibi bikirana, okwagala nyoko oyagala nyazaala wo
  100. Ebikolimo by'enkoko tebitta kamunye
  101. Ebinywera by'ebigenda omukazi yasiba embwa ya bba ku mugugu
  102. Ebita bisigale ,nga n'enkaaga alina ey'okubizzaayo ku buko
  103. Ebiyita ekiro ne Kangaawo yetikka
  104. Eby'okuwa bifa obusa abanaawa basuuza bbaabwe
  105. Ow'olugambo nnamunnungu w'atuula w'aleka amaggwa"Anti buli w'alaga ng'atandika kuseetula (lugambo)
  106. Eby'omunju tebitottolwa
  107. Eddalu ekkazi likongooza bba waalyo
  108. Eddiba ly'engo teriweeka mwana, nti nguli maama yaliweesa nguli baaba?
  109. Ekibi kikusanga mumwo
  110. Ekijj'omanyi kinyaga bitono
  111. Ekiriggwa jjo tekikutunuza ng'alira
  112. Ekirya omunaku tekimumalawo
  113. Ekiriisa enkoko omuddo budde kuziba
  114. Ekiryo ekinaakuwonya kikusooka bugujju
  115. Ekita ekitava ku ssengejjero kifuuka wa nkindo
  116. Ekitaggwawo kikuwa engaba
  117. Ekitaliibwa tekirema kwala ekikere kyayaza ennyama ku mutwe.
  118. Ekiteezaala tekyala
  119. Ekiwomereze kizaala enkenku
  120. Ekiyiira omunaku kigwa mu vvu
  121. Ekiyita waggulu otega wansi,empungu terya mu bire
  122. Ekkubo litemwa mukulu nga tebannabagoba
  123. Embaga enyuma kiro, bwatagenda kulya agenda kulwana.
  124. Embaga yamangu n'owettima aleeta
  125. Embooge bw'ekona ,enjagi totegana kusumulula.
  126. Embuulirire tefa yonna
  127. Amaanyi tegalya, ssinga embazzi y'ewata
  128. Embwa enjizzi ezaala enkolya
  129. Embwayange tebba ng'eyise ku gwa lwataba
  130. Empale ya lucoolo ebeera emu y'ekyala y'ekola emirimu
  131. Emyungu emiwagiikirize: gyasa entamu"
  132. Endiga bw'ekootakoota,emanyi nga waggulu wala
  133. Engabi eyeewala, y'ekaluba ennyama
  134. Enjala eruma omuwuulu,y'etuumisa nnyinimu erinnya,nti,"Byakagambwa" emmere yaffe eyasuze tunaagirya ddi?
  135. Enkalubo ekira amaluma
  136. Enkanula maaso yagoba lubende mu nju ne lugenda lubeera mu nsiko
  137. Enkasuka ennungi y'ezza omusu
  138. Enkobe ento eseka ekibira nga kiggya
  139. Enkungu-lutale etegebwa mayinja
  140. Enkyukira omugenyi gy'akuba ku lumonde
  141. Ennongoosereza emasula omutego
  142. Ennyumba y'ewaffe ngyeyabyamu ,bwabeera yeesiba,ng'adda mu kisenge
  143. Ensenza ennafu etikka mukama waayo omugugu
  144. Ensi egula mirambo nga temuli gugwo
  145. Ensi okufa nakasugga okufuuka enjagi,oba Nakati okufuuka entula
  146. Ensibambi edibya mutere
  147. Ensimbi emu kanyonyi, bw'otokatega tokwasa
  148. Ensimbi ze nfuna zimpita mu ngalo ,tatungiramu maliba ,ne zirema kuyitamu
  149. Ensimbo efuna ginnaayo
  150. Ensowera ekwagala y'ekugwa ku bbwa
  151. Entakyaluka waMuwonge e Jjalamba.
  152. Envumbulirwa eriibwa munaku
  153. Enyonyi enkeeze yeerya olusiring'anyi
  154. Eriso ly'omukulu, awaddugala w'ewalaba
  155. Erwanira ebuko ekuuka ejjembe
  156. Eryokanga n'etonya netulaba ensiisira bwezenkanya emyoyo
  157. Essanyu limulinga ly'amwoki wa gonja
  158. Ewaffe tutudde kitebe ,enjala ky'etuula mu lubuto
  159. Eyawukana ku mugendo efuuka kaasa
  160. Eyeemanyi amalwarira tatega ŋŋaali
  161. Eyetuukidde tanywa matabangufu
  162. Eyeeyambudde tatya gannyogoga.
  163. Eŋŋombe y'ekikaayi tekulagaanyisa munno
  164. Galimasane ente enzirugavu okuvaamu amata ameeru
  165. Ggufa kkalu bbula bulumo
  166. Gunsinze aliwa bitono
  167. Gutta engo negutasubwa (omuyiggo)
  168. Guwedde mirembe akiina muyiisa
  169. Gw'omenyera mu nkejje ewuwe alya luti
  170. Gw'otonnakaddiya toguyita gugwo
  171. Gw'owonya eggere y'alikusambya
  172. K'eŋŋoma: kamanywa mubambi"(akantu = charm)
  173. Kabaka tamanyi birungi singa ekitoogo ky'afuusa olunyago
  174. Kagenderere ng'omukadde akogga
  175. Kaliba kasajja akuliisa engo
  176. Kalonda ng'omusiri gw'omunafu
  177. Kamunye ow'empaka akubya namnnyinimu enduulu
  178. Kamwakabi kassa siroganga
  179. Kasajja katono okanyomera mitala w'amugga
  180. Kasobeza ng'ennebaza y'omwavu bw'omuwa nti onnanzeeki?
  181. Katonda gwey'awadde, n'ennume ezaala
  182. Kigwanga mmumbwa nga wali ogiwuliddeko
  183. Kimmanje okuta ensuwa nga lujjo
  184. Kimpoowooze ng'omukkuto gwa menvu
  185. Kimunkumunku ng'omukira gw'endiga omuliire ku bijanjaalo
  186. Kimwa kya mugole ,kijja ne siirye kimala muwumbo
  187. Kimwa-kitoole ng'omusajja alya ebbumba oba ng'omukazi alya emmamba
  188. Kino kinyeenya magi ng'enkoko ebiika endege
  189. Kiseke kya munyumya kijjula malusu
  190. Kiso kyambuzi, kireka omussi ne kitunuulira omubaazi
  191. Kitta akimanyidde, enyanja etta muvubi
  192. Kola ng'omuddu oly'engomwami
  193. Ku lyenvu kwendittira ensole.
  194. Ky'osimba onaanya ky'olyako ettooke
  195. Kyakayiga bw'akuba engalabi: tayimbirira"
  196. Kyemwayagalizanga embazzi, kibuyaga asudde 
  197. Linda buwere akuzimbiriza endwadde (obulumi)
  198. Linda buwere yawanguza Buvuma
  199. Linda kiggweeyo, afumita mukira
  200. Lubaale mbeera nga n'embiro kw'otadde
  201. Lubwa lukovvu lulumirira kutta
  202. Lubwa lukovvu olunyomera mu kyoto ,bwerutuuka ku nsiko nga luwerennemba
  203. Lugoma lukadde: eyalumanyako y'aluggyako endere"
  204. Lugumira enjala era ng'aliko k'asuddemu
  205. Lukujja webajjula ne lukutwala we basaaniika (olubwa)
  206. Lumbe Musolo webakukwatira w'oguweera
  207. Lutta akuwagira nga lukumaze amaanyi
  208. Lutta embwa ,mu lw'ente batuula kitebe
  209. Luwanga lwa mbwa balunyoomera mu kyoto
  210. Luyungudde emmandwa ezziga (olumbe)
  211. Maddu ga ddenge ofuuwa bw'okomba
  212. Madongo asanyuse nga ku musu kw'alaba
  213. Mafuta ga nte gava mu nte gadda mu ddiba
  214. Maluulu ga kyalo tegakusuuza bbuzi lyo.
  215. Manyira ku mwoyo ng'endeku ey'obulago
  216. Masavu ga ŋŋaanga gasaala gakka kibira
  217. Mazzi masabe tegamala nnyonta
  218. Mbwa nnyingi ziwabya omusu 
  219. Mboneredde tata muze oba ng'emikono giri mabega.
  220. Mbuulira gw'oyita naye nkubuulire empisa zo
  221. Mitala mirulumi gisimbibwa na mmumbwa.
  222. Mpaawo atalikaaba
  223. Mujagujagu nga kabwa ,tekannazibula nga kasitama
  224. Mukulane ng'emmese esula ew'omunafu
  225. mulimu Omwavu aliyisa bulago
  226. Mulya kiro buziba alaba
  227. mulwadde asosola y'agezza abalamu
  228. Muyizzi akumma n'akunyumiza eŋŋombe
  229. Muyizzi tafa, kasolo ke kafa
  230. Mwaka gwa nswa ,bagutendera ku mulala
  231. N'azina obulungi ava mu ddiiro
  232. Nantabuulirirwa yasaabala gwa bbumba
  233. Nantabwaza akuba mu ly'enkejje obusomyo.
  234. Nantalabikalabika ng'ezziga ly'empologoma
  235. Nanyini mufu y'akwata awawunya
  236. Ndikugula akunkumula lutembe.
  237. Nganda nnyingi ow'essimba akubula
  238. Nku nnyingi zitta mutyabi enziku etta mwenzi.
  239. Nkulemberaamu y'akuleega entumbwe
  240. Nkutabadde omunafu atabaala omulima
  241. Nkwatanyekwatanye Kalambi ne Bbira
  242. Nkwatiraako tebufuuka bumbowa
  243. Nkwesambye: Nnasswi mugalabi"
  244. Nnaalinnya omukazi talinnya nnyumba n'egwa munyale.
  245. Nnaasiwa mu kange asiwa mu kabukuku
  246. Nnagunywanga ne nsulayo nga gy'anyweredde gy'akwanye
  247. Nnaku za mbwa n'atayola akuba
  248. Nnakyeyobekedde gw'ayiisa gwe gumusambya
  249. Nnampulirazzibi, bamugamba balo embogo yamusse nti bwatyo bw'atera okuzifumita
  250. Nnamunswa alya ku nswa ze
  251. Nnamwabukirabusa si muyiggo
  252. Nneezikookolima gaali magi
  253. Nsiba byange amala ebyayi mu lusuku
  254. Nyama ntono okaayana ekuli mu nkwawa
  255. Nyinimu w'atali ebikere bitemba enju
  256. Obugonvu bw'olujegere ge maanyi g'alwo
  257. Obulangira bw'omukopi kwekorera
  258. Obulwadde bukula kiro y'aziika omuliro
  259. Obumanyi bukira obuzira
  260. Oguliko engalabi tegunywebwa atudde wamu
  261. Ogutateganya teguzza nvuma
  262. Okalya dda kadda dda ,envunyu ogiriira mu katiko n'ekusanga mu ttaka
  263. Okalya dda kadda dda, ejjobyo liddira mu mutwe
  264. Okekkera ng'Omunnabuddu nti Kabaka yantuma lwokyo;nti olwokya Kabaka baluggya Buddu?
  265. Okekkera ng'Omunyoro afa nti omwoyo gundi ku mbuga
  266. Okekkera ng'omusumba we nkoko nti ez'ewange ziwalalira emiyagi nti ggwe nnannyinizo owalalira mivule
  267. Okekkera nga muk'omugoma: nti ow'ewange leero agireese n'amayembe gaayo"
  268. Okekkera nga Munnabusiro asima balugu nti bakime akambe tusale ensigo nti abeeka banaasala nnuuni?
  269. Okubuuza ssi kuwaaba
  270. Okuggwa ekkuuka omusezi lyaggwa mu lutabaalo
  271. Okuggya si kuzzaayo ,kitaawo bw'afa tozzaawo mulala
  272. Okuggyawo ekitayiro ng'owobusa azadde ow'obuwala
  273. Okugwa ettente ,ng'omukulu omukwate ku kutu
  274. Okujaganya ng'ezzaana eddekere enju
  275. Okukembakemba ,ng'atwala emyali
  276. Okukirwako si kukimanya ,wabisige agenda okumanya ng'eby'enviiri babinyaze dda
  277. Okukinagguka ng'azaala akuza nti owange saamunywerako ddagala
  278. Okukizza munda ,ng'akaabira eddiba ly'enjobe nti eddiba lyange litobye ebirenge;nti anti mu mazzi mw'ekulidde
  279. Okukomeka ng'omukadde akomeka oluggi
  280. Okukuba akalali ak'engalabi eseka n'enti mu mubiri"
  281. Okukuba embukutiro omwavu z'akuba omugagga oba omukadde z'akuba omuyaayu ,nti gulya kabi ki?
  282. Okuliraana omukulu ataddiza oliraana empagi evaako empumbu.
  283. Okumyuka amaaso si buzira singa endegeya bazigobesa mafumu na ngabo
  284. Okwebaka kufa ,y'akomeka oluggi (y'asiba oluggi)
  285. Okwebambalika ng'omunafu alima ku kkubo
  286. Okwegaana mulanga endiga ndege,ente kide,embwa kide embuzi mujugo
  287. Okwegendereza ng'eyafumbirwa ow'amayuuga,bw'alaba ekkonkome ng'agamba nti anaaba ssezaala wange!
  288. Olaba lulema alukedde ,nga ggwe atandise mu ttuntu onoolukoola otya?
  289. Oli mugezigezi nga Munnabusiro omubbi nti ndi ku Bbira awo
  290. Oluganda kulya, olugenda enjala terudda
  291. Oluluma(eziruma) munno terukulobera kwebaka
  292. Olusozi lwa bakozi nti nange mbalwa
  293. Oluvulunguti abasajja lwe baliira mu magi
  294. Oluyindi teruliibwa nkagga
  295. Ommaze emmya kabootongo z'amala enkwale
  296. Omukadde ayigga olutabaalo atenguwa lutenguwe
  297. Omukadde waawano tayomba, nga akaziinaake weyakalese wekali
  298. Omukalukalu tajja busera, akugamba bunjokezza we njagala
  299. Omukazi birenge bya ddiba-bw'otobikunya tebigonda
  300. Omukazi mmese, nebw'ekulira mu nju ebba
  301. Omukwano gutta bingi enkukunyi emegga embwa.
  302. Omumpi w'akoma w'akwata ensolosozi eruma atudde
  303. Omunaku awooma ttu
  304. Omunya gugyiira mu nju/ mu munyale
  305. Omusabi ayita misana ,omubbi kiro
  306. Omusajja atatya munne tawangaala
  307. Omusajja awaza ne bw'aba akooye
  308. Omusajja ayonsa bubogo
  309. Omusajja mbwa, w'aliira w'aleka ekyaliiro
  310. Omusambirizi akira omutengu
  311. Omutamiivu agutamiiza luggi
  312. Omuto gy'amanyi enkuba gy'etonya
  313. Omutwe gyegusula, ebigere gyebisookera
  314. Omuze gw'omanyi,tegutta bufumbo
  315. Omuzibi w'amaaso alaba kiro,olumuyita nti ndaba
  316. Omuzira afiira watono amazzi gafiira mu ntamu
  317. Omuzira kigere kya mbogo Okyegezaamu nga teriiwo
  318. Omuzira kigere kya mbogo okyegezaamu nga teriiwo
  319. Omuzira mwana gwa ngo guyimba okuluma n'okutaagula
  320. Omwagadde kwa mwaka akussa bikongoliro
  321. Omwaka gw'enswa bagutendera ku mulala
  322. Omwana aliko nnyina takyazika 
  323. Omwana muwala kkoba lya mbogo lyeggya lyokka mu bunnya
  324. Omwana omuto akaabira ekitali kikye
  325. Omwana omuwala asera na nyina
  326. Omwana omuwanga ,takuba nnimi ng'abireetedde ye,ate bw'aba abiggye ku ye,agamba nti omwana oyo wa lugambo
  327. Omwana omuwere tasookera ku mmere asookera ku mazzi
  328. Omwana tabukutira mu nda bbiri
  329. Omwangu y'atta enswa ng'asanze kibuuka
  330. Omwavu afikka kya kulya tafikka
  331. Omwavu ky'afuna kye yeetuuma nti nze Nsimbi,nze Mwenge
  332. Omwavu tagenda mu kyama
  333. Omwavu ye mulalu alya bya kuzaayisa
  334. Omwayi si mumizi
  335. Omwaza kinyumu tayombera nkolo
  336. Omwenge ogujjula gwe gusibirwa empina
  337. Omwenge ogw'ekitundu togumma munno
  338. On'alya n'oli alya y'emmere egenda
  339. Onjunjudde ,ssabiiti munafu
  340. onkyayidde ku nsiko nga muyizzi
  341. Ositukiddemu ng'eyatega ogw'ekyayi
  342. Ositunkana ng'obugenyi obuliko embwa
  343. Ositunkana ng'omugenyi atakkuse nti bagundi kaŋŋende mbalabire ddala
  344. Osse aga n'aga wambwa ge yatta e Bulugu
  345. Otabaala ng'alekerera efuluuta n'asoya enju
  346. Otulo tw'okumakya y'ensibuko y'obwavu
  347. Ow'akabukuta takwasa mutego
  348. Ow'akabukuta takwasa ngo
  349. Ow'amaddu tomuleza ku ntwere
  350. Ow'ebbango bwot'amuwemukira tewebikka
  351. ow'emmereye tabula gw'atta
  352. Ow'endabirirwa ebbugga asaba ssabe
  353. Ow'enjala tamalaawo nva amalawo mmere
  354. Ow'enkaaba mbi agoba omwami mu lumbe nti eyakuno ngiguze k'omwami nti nze mmusse
  355. Ow'ennimi akira omuyiisa
  356. Ow'enzina mbi azinira mu babe
  357. Ow'envumula mbi akoma ku kikubansiko.
  358. Ow'omugongo omutono talya ka Mugolooba
  359. Ow'omukalo gwe, taseerwa nsava
  360. Owemukidde Bunyoro ng'atalidda Buganda 
  361. Ekibunza eggwaatiro nkuba kuyinga
  362. oyogera tolototto ng'owomumwa atakuba
  363. Oyogeza kiruyi omwenge ssi mmere
  364. Oyomba olutulumuko nga gwe babbira omuzigo
  365. Oyota gwa vvu nti nnina abaana
  366. Ozaala bakulu nga bbumbuzi
  367. Ozesennyedde za kukwookya kijja-na-nnenge ku kkubo
  368. Ozimbya entwiri ng'omuwuulu agaba enkejje.
  369. Ozinuka ng'alimyewo ekimu (ekibibi/ekikata)
  370. Seddume w'embwa nantaweebwa bagenyi
  371. Sekawuka kaali kakulumye bw'okalaba okadduka
  372. Si kutta kulonda
  373. Sikutte kiti nkutte mbazzi
  374. Asiibula nga muyala nti weeraba taata
  375. Sikyaddiŋŋana aggalawo misana
  376. Ssambyasamyako ng'omubi alinya obuliri
  377. Ssekkubo limu lyassa Wamusu
  378. Ssemutego tegulwala mugongo, nga kyebaagutuma tekinnagukwata
  379. Ssemuto wattira eggege, waddinganya omuya
  380. Ssemuze gukuwadde balo ,ab'ebweru bayima ku lusozi ne balangirira nt ekigwagwa kya munno,anti weegaana ki?
  381. Sseruggula bifulukwa: aggudde ekirimu omuntu"
  382. Sserwajja okwota akiza nyinimu entannama.
  383. Ssifaayo abeera musiru.
  384. Ssiyola ŋŋaanga gyessiiryeko magi.
  385. Ssizzanga musango ayokya luyiira.
  386. Ssossolye bw'atafa atuuka ku lyengedde
  387. Tebyasa mutwe nga tebabigambye ggwe.
  388. Tekirya munaku nga tekimulabye.
  389. Tekoobedde egudde mu kyayo (ekitimba)
  390. Tonsibaako matu gambuzi kundiisa ngo
  391. Totta kibe nga tekinnakenena ndusu
  392. Tuli ŋŋoma: tuvugire amatume (oba: tuvuga amatume)"
  393. Tunaagabanira emitala, y'akuseera
  394. W'otonnatuuka we balya ekyenkya
  395. Wambwa ayiggira agage n'aga mukama we
  396. Weeyazeyaaze akubbya mw'osula
  397. Weeyogeza ng'owamalibu ayasira embwa nti bw'eribulwa amannyo ndigisongolera emmambo
  398. W'oddizza omulalu mukaama ng'omulamu omulaba?
  399. Yakuza mutwe nga mmale
  400. Yeewaana ng'eggunju ery'ettulu nti, “mba n'abiri ne nannyini nkoko mbadde muleeta”!
  401. Yeyogeza ng'olwanobako nti baleete omwenge bannone
  402. Zikusooka nezitakuva mabega 
  403. Akaakyama amamera, bw'okagolola kamenyeka bumenyesi 

Nkyayongerayo nkumu kino kituuza.........................alina lwatategedde nkubira ku 0706311881 oba 0712417709

oba ku facebook Kajubi James
Kajubi James
Nsanga ne ku feesibuuku nyiga mu kafaananyi kange otuuke butereevu

HTML Comment Box is loading comments...
Alina olugero lw'abuuza oba ekisoko mbuuza ndukuddemu :